Barne- og ungdomsbøker

Tomorrow, when the war began

2012-02-06T01:47:00.000-08:00

Filmatisert bok - "I morgen, da krigen kom" av John Marsden
Hovudpersonen i Tomorrow, When the War Began er 17 år gamle Ellie Linton (Caitlin Stasey), som ynskjer å arrangere eit siste eventyr for seg og sine vener før skulen startar att etter sommarferien. Reisemålet er "Hell" - eit tropisk paradis langt ute i Australia si villmark. Ho samlar sine beste vener, Corrie (Rachel Hurd-Wood), Kevin (Lincoln Lewis), Fiona (Phoebe Tonkin, Homer (Deniz Akdeniz), Robyn (Ashleigh Cummings) og Lee (Chris Pang). I løpet av veka dei er saman på campingturen er det idyll med kjærleik og venskap. Men sjokket er stort når dei kjem attende til byen Wirrawee og oppdagar at alle innbyggjarane har forsvunne sporlaust i mellomtida. Etter kvart merkar dei òg at ei fiendtleg bevæpna makt har innteke Wirrawee og dei andre nærliggjande byane. Dermed må tenåringane leggje ein plan for korleis dei skal halde seg i live, samtidig som dei forsøker å sabotere planane til inntrengjarane.
Tomorrow, When the War Began er basert på den fyrste boka i den spennade ungdomsromanserien av den australske forfattaren John Marsden. Det er sju bøker i serien. Bøkene er kjempespennande!

Her er ein liten smakebit:

Originaltittel: Tomorrow, When the War Began
Regi: Stuart Beattie
Skuespillere: Caitlin Stasey, Rachel Hurd-Wood, Lincoln Lewis, Deniz Akdeniz, Phoebe Tonkin, Chris Pang, Ashleigh Cummings, Andrew Ryan, Colin Friels.
Manus: John Marsden, Stuart Beattie
Genre: Action / Drama / Eventyr/Krig
Nasjonalitet: Australia / USA
Språk: Engelsk
Lengde: 1 t. 44 min.
Produksjonsår: 2010
Aldersgrense: 15 år

Vi har filmen. Sjekk om den er inne her :)

På Filmweb kan du lese fleire omtaler.

Ivrige lesarar

2012-01-19T00:28:00.000-08:00

Leselyst på topp

Vi hadde besøk av 3., 4., 5., 6.og 7. klasse frå Marlo onsdag denne veka.

Her er nokre glimt av dei ivrige og blide lesarane :)

Magnhild Bruheim på topp

2012-01-14T01:55:00.000-08:00

Ti på topp for barn/ungdom 2011
Magnhild Bruheim ligg på topp med spenningsboka for ungdom "På flukt". Jørn Jensen har heile 7 bøker på lista. Dei fleste er frå den populære og spennande Kaldt blod-serien.

Ti på topp for vaksne finn du på bloggen til Skjåk folkebibliotek.

MUS - av Gordon Reece

2012-01-09T01:24:00.000-08:00

Ein spennande psykologisk thriller

Shelley og mora ser på seg sjølv som små grå mus. Dei er pliktoppfyllande, gjer det dei blir bedt om og er alt for usikre til å takle konfrontasjonar.

Da Shelley vart fødd, gjekk mora utan vidare med på mannen sitt krav om at ho skulle slutte i jobben for å vere heime, sjølv om ho var den beste advokaten i firmaet. Da han seinare gjekk frå ho, til fordel for ei ung blondine, og ho måtte finne seg ein ny jobb, gjekk ho med på å få ei latterleg lav løn og mykje overtid.

Shelley har opplevd mobbing på det mest grusomme, av jenter ho ein gong var besteven med. Dei tidlegare venninnene har bestemt seg for å gjere livet hennar til eit levande mareritt. Det byrja med utskjelling og fornærmingar, deretter starta dei med å øydeleggje tinga hennar, og når dei gjkk lei av det, gjekk dei over til fysisk vold – fleire gonger om dagen. Livredd for konfrontasjon og for å gjere ting verre, heldt Shelley dette hemmeleg heilt fram til den dagen dei skada ho så mykje at ho havna på sjukehus – dei tente på håret hennar og ho fekk store brannskader.

Så Shelly og mora flyktar til eit fredeleg hus på landet, langt borte frå mobbing og svikefulle menn. Endeleg kan dei leve i fred og ro. Shelley får heimeundervisning og jobbar hardt mot dei avsluttande eksamenane, mora jobbar som underbetalt sekretær. For viktigast av alt er tryggleik. Kvardagen er attende.

Heilt til Shelleys 16-årsdag.

Ho vakner midt på natta av at nokon bryt seg inn i huset. Dei blir utsett for prøvelsar dei aldri har drøymd om … og den natta bestemmer Shelley seg for at grensa er nådd, nok er nok. Det blir ei natt som forandrar alt.

Og meir kan eg ikkje fortelje utan å røpe for mykje, men at dette er ein skikkeleg thriller, er heilt sikkert. Det som skjer vidare er rett og slett grusomt. Boka handlar mykje om kva vi er i stand til å gjere om vi blir pressa nok, den reiser dermed fleire grunnleggjande moralske spørsmål og den skapar debatt.

Ei spennande, ekkel og tankevekkjande bok.

Anbefalast!

Forfattar: Gordon Reece

Tittel: MUS

År: 2011

Forlag: Gyldendal

Sjanger: Spenning

Triveleg besøk av nissar

2011-12-17T05:13:00.000-08:00

Vi var så heldige at vi fekk besøk av 3 ekte nissar i dag. Dei var noko ordknappe og blyge, men dei kunne fortelje at for å få så langt, fint skjegg - må du spare i 100 år. Nissane blei kjempglade for pepperkakene dei fekk. Den eine nissen tykte det var så stor stas å bli fotografert, at eg måtte syne fram bileta til han før dei hasta vidare.

God jul nissar! Håpar dykk kjem att neste år :)

"Nissen på Haugen" av Ole Røsbak

2011-12-17T04:52:00.000-08:00

Boka ”Nissen på Haugen” er ein fin juletradisjon heime hjå oss. Det blir ikkje jul utan å lese denne boka. Boka er ei fin høgtlesingsbok og stappfull av god, gammaldags julestemning.

Den handlar om den lille fjøsnissen Gubbe Grå som bur på garden Haugen. Han er ein nisse av det gode, gamle slaget. Han gjer ein del streker, men òg mange gode gjerningar. Sjølv om ikkje bonden Anders trur på han, er han så heldig at han har Anna, mora til Anders. Ho trur på Gubbe Grå og set ut graut til han kvart einaste år. Ei søt og sjarmerande juleforteljing som set deg i skikkeleg julestemning og som får deg til å skratte høgt.

Opningstider jula 2011

2011-12-09T03:30:00.000-08:00

"Kjelleren" av Linn T. Sunne

2011-11-19T01:36:00.000-08:00

Spøkjelser og grøss

Mora til Isak og faren til Ola er kjærester. Dei har flytta saman til eit nytt hus som treng oppussing. Dei maler og snikrar medan gutane utforskar heile huset. Kjellaren er myrk og skummel, det er akkurat som det er nokon der...Spøkjer det?

Ein dag blir Isak og Ola invitert på saft og kjeks til nabokona. Ho veit noko om huset deira som er skikkeleg skummelt...

Her er ei kort, lettlesen og grøssande bok for deg som akkurat har lært å lese. Det er Erik Ødegård som har laga dei fine illustrasjonane (teikningane) i boka. Illustrasjonane har flotte fargar og er med på å gjere historia ekstra skummel.

Kanskje kjenner du forfattaren av denne boka? Linn er jo med på Bokbussen som kjem til Skjåk med jamne mellomrom. Ho har skrive fleire gode bøker for barn og ungdom.

Kjelleren
Forfattar: Linn T. Sunne
Illustratør: Erik Ødegård
Forlag: Gyldendal
År: 2011
Sider: 37

"Bli sammen" av Thomas Halling

2011-10-29T00:19:00.000-07:00

Dette er historia om Kalle på 11 år som er dødeleg forelska i Ellen. Men korleis skal han få sjans? I denne boka gjer Kalle fleire forelska framstøt.

Som til dømes når han endeleg skal få vise Ellen kor flink han er til å stupe. Han har gått på stuping i tre år, og han har til og med vore klubbmeister. No skal han stupe frå tiaren foran heile klassa. Kalle er nervøs, men han er heilt sikker på at det skal gå bra.

Alle må sjølvsagt dusje før dei skal i bassenget, og Kalle tek på seg den fine stupeklubb-badekåpa si. Læraren kunngjer at i dag skal Kalle ha stupe-framsyning. Alle ser på Kalle, Ellen òg. Han tøyer ut og går mot stupetårnet. Klassa er samla og fylgjer spent med. Nokon byrjar å klappe når Kalle nærmar seg tiaren, til slutt klappar heile klassa. Han ser på Ellen og får så vidt augekontakt, ho vinkar. Kalle er stolt og nyt all oppmerksemda. No er han på kanten av stupebrettet, han tøyer ut litt til, og så må han jo sjølvsagt ta av seg badekåpa.

MEN – det vart brått så stille frå klassa. Kvifor det? Plutseleg bryt det ut vill jubel, pipekonsert og nokre enorme latterbrøl. Her er det visst noko som ikkje stemmer heilt! ”Sjekk tissen til Kalle!”, er det nokon som ropar høgt... Kalle har gløymd å ta på seg badebuksa….

Vil du vite korleis det går med Kalle? Ja, da må du lese boka. Vi har ho på biblioteket.

Ei sjarmerande og lettlesen bok kor vi skjønar at det beste er å vere seg sjølv, og ikkje prøve å vere nokon vi ikkje er!

Biblioteket er stengt frå 24. - 28. oktober

2011-10-21T03:53:00.000-07:00

Grunna omlegging til nytt datasystem

Vi har stengt frå måndag 24. til fredag 28. oktober grunna omlegging til nytt datasystem.

Laurdag same veke har vi ope att. Velkomen innom da!

Ny ungdomskrim frå Magnhild Bruheim

2011-10-11T08:12:00.000-07:00

SPENNANDE!

Utdrag frå boka:

Når vil folk begynne å etterlyse henne? Kanskje ikkje før om tre-fire timar. Henrik trur ho søv heime, og foreldra trur ho overnattar heime hos han og mora. Kva var det? Bente sit stille og held pusten. Det gjekk i ei dør. Sjølvsagt er det folk i huset. Er nokon på veg hit? Hjartet dunkar, ho aner ikkje kva som ventar.

Kami er med i ei aktivistgruppe som nattetid tek seg inn på pelsdyrfarmar, gruppa avskyr verksemda og prøver å stoppe ho. Dei tek seg inn på fleire farmar for å fotografere sjuke dyr. Eigarane prøver på si side å beskytte seg. Kampen mot pelsdyroppdrett får stadig breiare støtte etter kvart som media viser bilete av dyr som lir. Like etter ein aksjon blir Kami kontakta av ein ukjend mann som følgjer godt med på alt ho gjer...

Samtidig får ei jente frå ein av farmane anonyme meldingar der det står: Du har også blod på hendene. Som du skjønar blir det etter kvart farleg, det blir ein kamp på liv og død. Om boka kan verke litt treg i byrjinga - så fortvil ikkje - det blir nemleg mykje SPENNING frå midtveis og utover resten av boka.

Blod på hendene er den fjerde boka i den populære og spennande serien om Kami og Bente. Boka har aktuelle tema som kamp mot pelsindustrien og mobbing. Vi er "jælma" stolte over at Magnhild Bruheim kjem frå Skjåk. Ho er busett på Lillehammer og debuterte med kriminalromanen Varselet i 1997. Sidan har ho skrive fleire bøker både for vaksne og ungdom. Bøkene Ny melding (2003), Venneringen (2007), På flukt (2010) og Blod på hendene (2011) utgjer den populære serien for ungdom.

Sjekk om boka er inne her :)

Teater

2011-09-16T01:12:00.000-07:00

Fredag 23. september kl 13.45 kjem Barnehageteatret til Skjåk folkebibliotek.

Klikk på bilete for å forstørre

"Jakta på Andy Anderssons Eftf." av Arnfinn Kolerud

2011-08-25T00:44:00.000-07:00

Illustrert av Per Ragnar Møkleby

Denne spennande og morosame boka byrjar dramatisk. Nokon har nemleg skrive eit stort, raudt ord på den kvite husveggen til Rikke. IDIOT, står det. Rikke synes det er ganske fælt, mens mor og far tek det heile med fatning. Men kven kan ha vore så frekk? Er det bonden som nett har måla løa si raud? Er det onkel Ole, som ikkje likar at far er fotballdommar? Er det nokon som er glad i mor?

Saman med bestevenninna Lea, bestemmer Rikke seg for å finne ut av mysteriet. Ei spennande forteljing i ein tekst full av språkleik og løysinga er skikkeleg overraskande.

Arnfinn Kolerud har skrive fleire bøker for både vaksne og barn, håpar han vil skrive MANGE fleire :)

Alvin Pang av Endre Lund Eriksen

2011-08-09T10:14:00.000-07:00

Ein gong ynskte Alvin seg ein lillebror. Det var ein tabbe...

...han fekk nemleg ei vill lillesyster. No angrar han. Han ynskjer seg heller ein Playstation. Lillesystera heiter Elvira og er plagsom. Ho skrålar stygge songar, spelar trommer og stel dei nye tusjane til Alvin. Ho kidnappar til og med roboten hans.

Alvin lurar difor på korleis han skal bli kvitt den plagsomme Elvira. Skal han selje ho, eller kanskje byte ho bort? Til slutt finn han den perfekte løysinga, trur han. Ei løysing han vil angre på.

Her er eit hint..

Dette er ei herleg, humoristisk bok med flotte illustrasjonar av Olve Askim, ei bok som passar godt til høgtlesing. Boka er lett og kjenne seg att i for alle storesysken.

Kannibalen av Ingunn Aamodt

2011-07-08T01:45:00.000-07:00

Boktips av Mari Eide Lindsheim 12 år

Nina, Bo og mor deira er på omvisning. Dei skal kjøpe seg ny leiligheit. Omvisaren pratar om noko hemmeleg med mora, men både Nina og Bo høyrer at han pratar om at det er ein kannibal i området. Dei flyttar etter kvart inn i leiligheita. Dei får tre spesielle naboar som har noko rart på gang. Det er Harriet, slaktaren Fred og den snille, gamle mannen Arthur med den søte hunden Muffe.

Bo hadde teke på seg å hente posten for slaktaren sidan han skulle på ferie seinare. Kjekt med litt ferieshilling. Ein kveld vart slaktaren borte så lengje at ein av naboane meldte han sakna. Same kveld sneik Nina og Bo seg ut, dei hadde sett nokon grave i hagen og dei tykte dette var veldig mystisk. Dei fann til slutt ut at det var naboen Harriet, og no var dei nesten sikre på at Harriet var kannibalen. Var det slaktaren ho grov ned?

Medan dei sto og diskuterte saka, kom mor deira og sa at systra hennar skulle føde og at ho ville dra til sjukehuset. Nina og Bo gjekk inn leiligheta og åt pizza, da det plutseleg banka på. Det var Harriet. Nina og Bo turde ikkje opne døra. Harriet gav seg ikkje, ho ringde på døra fleire gonger. Harriet og Bo vart livredde. Plutseleg høyrde dei noko på verandaen. Gjett kven som sto der? Det var Harriet.

Nina og Bo sprang ut av leiligheita. Like utanfor traff dei Arthur og hunden Muffe. Da han såg kor redde dei var, ba han dei inn på brus. Nina og Bo fortalde alt som var skjedd. Etter ei stund vart begge så trøytte. Bo sovna og Nina prøvde å vekkje han. Ho fekk det ikkje til. No høyrde ho Arhur kvesse knivar på kjøkenet, og ho skjøna at det var han som kannibalen! Arthur hadde hatt sovemedisin i brusen...

Vil du vite korleis det går? Da må du lese boka.

Boka passar for dei som likar spenning og skrekk. Den er for dei tøffe :)

Forfattar: Ingunn Aamodt
Tittel: Kannibalen
Forlag: Damm
År: 2007
Sider: 105

Kaldt blod serien

2011-06-24T04:40:00.000-07:00

Vi har 6 nye bøker i den populære, spennande og skumle serien.

Grøss og gru...

Kaldt blod har fått eiga nettside. Sjå her :)

Sjekk om boka er inne :)

Sommaropning 20/6 - 21/8

2011-06-20T02:16:00.001-07:00

Tv-spel i biblioteket

2011-06-09T03:39:00.000-07:00

Wii og PS3

No kan du spele tv-spel på Skjåk folkebibliotek. Vi har både Wii og PS3. Tilbodet er heilt gratis.

Her om dagen fekk vi god hjelp av Dan og Jonas til å installere PS3.

Vi har desse spela:

Wii

Super Mario Galaxy 2
Wii sports
Wii sports resort
LEGO Harry Potter

Playstation 3

Shaun White skateboarding
Gran turismo 5

Med St. meld. nr. 14 "Dataspill" fekk dette mediet si eiga stortingsmelding

kor det vart slått fast at dataspel er kultur,

og skal behandlast på lik linje med andre kulturuttrykk,

som f. eks litteratur, film og musikk.

Les Fra gutterommene til bibliotekene

Filmbussen kjem til Skjåk 4. - 5. juli

2011-06-08T04:07:00.000-07:00

Fyrstemann til mølla...

Lenker om filmbussen:
Filmverkstedet Oppland
OPPLAND.NO.VIDEO

SOMMAR + BOK

2011-06-06T02:55:00.000-07:00

Verdas beste rattkjelketur

2011-05-23T23:32:00.000-07:00

av 6. klasse ved Nordberg skule

Les den spennande historia om Gudmund Grustfull, Kaja, Fru Bjørklyng, Bulldoggen Gordon og Truls.

6. klasse ved Nordberg skule har laga boka Verdas beste rattkjelketur. Alle elevane i klassa har bidrege med tekst og flotte teikningar. Dei unge forfattarane heiter Andrea Steinbakke Hole, Anita Rustad, Daniel Nordvoll, Ellen Osine Brungot Aamodt, Henrik van Dam, Joakim Klepp Aaboen, Mari Eide Lindsheim, Maria Gustavsen Rakstad, Gudbrand Kveen, Reese Bendiksen og Syver Jevnheim.

På teikninga til høgre ser du
mekanikaren Gudmund Grustfull som likar og ta seg ein blund.

Frå baksida på boka:

Dersom du ikkje likar å ake, bør du finne ein kjelke eller eit akebrett og ta ein testtur. Dersom du framleis ikkje likar å ake, bør du heller ikkje lese denne boka - da er du kjedeleg - og denne boka er berre for folk som er glade i å ha det moro!

Her er Truls

Her er Kaja

Dette er historia om verdas beste rattkjelke for to. Om Kaja og Truls, bulldoggen, bananskalet, skruen som var laus, snøfonner, fletter, superduperfart, hopp og ei gamal dame på ski. Skrive av ein gjeng som likar å ha det moro.

Utdrag frå side 14 i boka:

Etter eit par minutt kom dei til eit brattare stykke av vegen, like etter oppdaga dei eit vedskjul lenger nede i bakken. "Fru Bjørklyng sitt vedskjul i sikte!" ropte Kaja. "Hopp over det!" ropte Truls. Dei hoppa over vedskjulet og såg fru Bjørklyng langt der nede, ho hadde ved i hendene. Da ropte Kaja: "Her kjem døden!". "Himmel" sa fru Bjørklyng og svima av. Dei stoppa for å sjå korleis det gjekk med henne, men plutseleg hoppa ho opp og gav dei ris på baken. Dei vart så såre på stumpene sine at dei måtte stå på kjelken dei neste ti minutta av kjelketuren.

Vi har boka på biblioteket. Kom og lån!

Tinga Tinga-riket

2011-05-19T00:43:00.000-07:00

Kvifor har elefanten snabel? Og kvifor svingar apene seg i trea?

Tinga Tinga er kjent
fra NRK Barne-TV

Her kan du lese at for lenge, lenge sidan svinga ikkje apane seg i trea. I staden heldt dei seg nede på bakken og leika. Men kva trur du skjedde da dei drog sjølvaste Krokodille i halen?

Ein annan gong for lenge sidan hadde ikkje Elefant nokon nese. Han var stor, klumsete og han lukta veldig vondt. Men kva trur du skjedde den gongen han sovna altfor nær vatnholet - der Krokodille heldt til?

Tinga Tinga forteljingane er inspirert av tradisjonelle dyreforteljingar frå Afrika og Tingatinga-kunst frå Tanzania.

"Herlig lekenhet. Å ta turen til Tinga Tinga-riket er som å dykke ned i en undrende og fargerik afrikansk fauna der tradisjonelle afrikanske fortellinger og billedkunst i tospann byr på en i barnelitteraturen etterlengtet stemme fra Afrika." Barnebokkritikk.no

Forfattar: Claudia Lloyd
Forlag: Ashehoug & co.
År: 2011

Sarin i Keiserens by av Benni Bødker

2011-05-10T08:06:00.000-07:00

Bokmelding av:

Julie Rønningen i 4. klasse ved Marlo skule

Denne historia handlar om ei jente som heiter Sarin. Ho møtar ein løvegut som hjelp ho med å finne foreldra hennar.

Eg syntes at boka var spennande og passar for dei som vil ha litt historie.

Forfattar: Bennin Bødker

Tittel: Sarin i Keiserens by

Forlag: Gyldendal

Sider: 28

År: 2008

To tjuvar og ei skinke av Knud Hermansen

2011-05-10T08:01:00.000-07:00

Bokmelding av:

Oline Hjeltar i 4. klasse ved Marlo skule

Det er to tjuvar. Dei stjeler av ein by. Det var eigentleg ein koseleg og fin landsby, men så kom tjuvane. Litt lenger bort var det ein gard, og der budde ei kone og ein mann. Mannen reiste til byen. Så kom det nokon til garden!

Det er ikkje så artig, for tjuvane kom og tok skinka. Mannen tok den att. Slik gjorde dei mange gonger.

Forfattar: Knud Hermansen
Tittel: To tjuvar og ei skinke
Forlag: Storskriftforlaget
År: 1994

Kasper på fotballeir av Jørn Jensen

2011-05-10T07:50:00.000-07:00

Bokmelding av:

Lotte Kvalheim i 4. klasse ved Marlo skule

Kasper er på fotballeir.
Han vinner ein pokal
Han fekk ein venn.

Forfattar: Jørn Jensen
Tittel: Kasper på fotballeir
Forlag: Damm
Sider: 33
År: 2001

Sydover av Bjørn Ousland

2011-05-10T07:45:00.000-07:00

Bokmelding av:

Oline Hjeltar i 4. klasse ved Marlo skule

Amundsen vil greie å komme til Sydpolen, men så kommer eit anna skip. den Den andre mannen har med seg ponniar og Amundsen har med seg hundar. For Amundsen planla dette i fleire år, dei andre planla det ikkje så godt.

Det var ei spennande bok. Ho var bra.

Forfattar: Bjørn Ousland
Tittel: Sydover
Forlag: Cappelen Damm
Sider: 58
År: 2009

Hjelp! Det er noen her... av Tone Kjærnli

2011-05-10T07:39:00.000-07:00

Bokmelding av:

Elise Tengesdal i 4. klasse ved Marlo skule

Ida er aleine i huset, det synest ho var litt skummelt, for ho høyrde nokre rare lydar. Og det var ein gutt i klassa hennar som skremte ho.

Eg synest boka var spennande og artig.

Forfattar: Tone Kjærnli

Tittel: Hjelp! Det er noen her...
Forlag: Cappelen
Sider: 84
År: 2006

Måneferden : kappløpet mot tiden av Philip Wilkinson

2011-05-03T10:38:00.000-07:00

Bokmelding av:

Elise Tengesdal i 4. klasse ved Marlo skule

Det var 3 karar som skulle reise til månen. Når dei er inni romskipet er det vanskeleg å bevege seg. Dei må ha drakter og oksygen for å puste, for på månen er det ikkje luft.

Ei spennande bok og eg lærte meir om det.

Forfattar: Philip Wilkinson
Tittel: Måneferden : kappløpet mot tiden
Forlag: Damm
Sider: 50
År: 1999

Kasper skårer med hælen av Jørn Jensen

2011-05-03T10:18:00.000-07:00

Bokmelding av:

Hans Krogstad jr. i 4. klasse ved Marlo skule

Moren til Kasper blir litt sur når Kasper kommer hjem med hull i fotballskoen. Moren sier at dei kan bruke helen. Kasper sier at det ikkje går an, men det gjør det.

Eg synast det var ei kjempegod bok fordi eg likar fotball.

Forfatter: Jørn Jensen
Tittel: Kasper skårer med hælen
Forlag: Damm
Sider: 35
År: 2006

Vulkaner og andre naturkatastrofer av Harriet Griffey

2011-05-02T05:00:00.000-07:00

Bokmelding av:

Lotte Kvalheim i 4. klasse ved Marlo skule

Boka handlar om:

Eks 1: Jordskjelv i Lisboa

Eks 2: Vesus har utbrudd. Det er ein vulkan.

Eks 3: Mt. Pelée vaknar. Det er ein vulkan.

Boka var veldig bra og eg fekk lære meir.

Forfattar: Harriet Griffey

Tittel: Vulkaner og andre naturkatastrofer

Forlag: Damm

Sider: 49

År: 1999

Min første kattebok av Ingrid Andersson

2011-05-02T04:56:00.000-07:00

Bokmelding av:

Kristin Tengesdal i 4. klasse ved Marlo skule

Kattefakta

Eks 1: Kattens hale er den mest morosame leiken til katten.

Eks 2: Mange forskjellige katter.

Eks 3: Du må ikkje gje vaksne katter mjølk.

Ei bra bok. Ein får vite mykje om katter.

Forfattar: Ingrid Andersson
Tittel: Min første kattebok
Forlag: Damm
Sider: 47

Handel og oppdagelser av Robert Coupe

2011-05-02T04:45:00.000-07:00

Bokmelding av:

Julie Rønningen i 4. klasse v/Marlo skule

Boka handlar om at Svartedauden på 1300-talet spredte ein grusom pest. I ørkenen i Afrika tok handelsmennene ofte folk til fange og gjorde dei til slavar. I boka kan du også lese om krydderhandel og at pepper blei i gamle dager brukt for å ta vekk smaken på gammalt kjøtt.

Forfatter: Robert Coupe
Tittel: Handel og oppdagelser
Forlag: Gyldendal
Sider: 32
År: 2010

Energi av Kate McAllan

2011-05-02T04:26:00.000-07:00

Bokmelding av:

Anders Haugen i 4. klasse v/Marlo skule

Boka handlar om energi - solenergi, vannkraft og vindkraft.

Eg likte boka fordi det er enkle ord å lese og mye fakta. Boka har fine illustrasjonar.

Forfattar: Kate McAllan
Tittel: Energi
Forlag: Gyldendal
Sider: 32
År: 2009

Offroadsykling av Ian Osborne

2011-05-02T04:15:00.000-07:00

Bokmelding av:

Hans Krogstad i 4. klasse v/Marlo skule

Her lærer du å steile og sykle. F. eks steile, sladde og sykle.

Eg likte boka sånn midt i mellom. Eg lærte kanskje litt meir om korleis man steiler.

Forfattar: Ian Osborne
Tittel: Offroadsykling
Forlag: Esstess
Sider: 32
År: 2008

De forsvunne barna av Jørn Jensen

2011-05-02T04:05:00.000-07:00

Bokmelding av:

Kristin Tengesdal i 4. klasse v/Marlo skule

Tobias får ein ny nabo, men han er blind. Ein dag får han av seg brillene og da ser Tobias kven det er. Det er mannen som bortfører barn!

Ei bra og spennande bok.

Forfattar: Jørn Jensen

Tittel: De forsvunne barna

Forlag: Cappelen Damm

Sider: 62

År: 2008

Svarte-Mathilda

2011-04-05T09:29:00.000-07:00

Svarte-Mathilda er ein real grøssar som ikkje passar for dei med svake nervar. Her er spenning frå fyrste side. Ei ung jente blir funnen knivdrepen i heimen sin. Mordaren blir aldri funnen. Leilegheita som var åstaden for mordet, står tom i 20 år.

Når Elisabeth flyttar inn, tek det ikkje lang tid før ho ser ting mora ikkje ser. Elisabeth byrjar å grave i historia om drapet, ho får god hjelp av den nye klassekameraten Philip og bibliotekaren Viggo. Dei kjem over legenda om den demoniske Svarte Mathilda som gøymer seg i ein spegel og som kjem dersom du ropar på ho. Philip trur ikkje på denne historia, og han overtalar Elisabeth til å vere med for å prøve det ut …

Utdrag frå boka:
Ho skreik og hylte mens ho slo så hardt i døra at ho fekk vondt i hendene. Heile tida var det nokon som tok på henne. Nokon var borti håret hennar, lugga det ikkje, men kjærteikna det forsiktig. Nokon klappa henne på kinnet og strauk henne nedover ryggen. Sjølv om det var mørkt i rommet, såg ho for seg blodflekken på badegolvet igjen. Ho kjente noko varmt og vått under føtene og prøvde å trampe det vekk. Ho høyrde lyden av fingerneglene som knakk...

Ei grøssande bok for deg på ungdomstrinnet og oppover.

Tittel: Svarte Mathilda
Forfattar: Tor Arve Røssland
Forlag: Samlaget
År: 2010
149 sider

Drømmeprinsen

2011-03-24T04:34:00.000-07:00

Eit eventyr om toleranse og kjærleik

Drømmeprinsen er eit fargerikt eventyr i ei forunderleg verd der alt er mogleg. Historia startar kjend: Det var ein gong ei prinsesse som ikkje ville gifte seg. Kongen sendte ut bod etter friarar. Mange kom, men prinsessa likte ingen av dei. Ein var for høg, den andre var for tjukk, den tredje song falskt og den fjerde prata berre på rim. Ho drog difor ut i verda for å finne seg ein drømmeprins. Men, verda er full av overraskingar, og den aller største er kva prinsessa har med seg heim. Ho kjem ikkje heim med ein drømmeprins, men ei...

No kan du gjette! Men som kongen seier til slutt: "Vi leitar etter nokon og finn ein annan - og det er like bra!"

Forfattar: Justyna Nyka
Illustrasjonar: Justyna Nyka
Forlag: Mangschou AS
År: 2010
31 sider

AF1

2011-03-12T05:06:00.000-08:00

NRK Super

hadde stor suksess med hiphop-musikalen AF1 hausten 2008, og den siste episoda vart sett av nesten 800.000. I sesong 2 går handlinga føre seg i eit flerkulturelt drabantbymiljø - med ein del hip hop, men dette er ikkje hovudtemaet i serien. Denne gong er det meir eit mangfaldig musikalsk univers, kor det dukkar opp både rockeband, danseband, metalband og gospelkor som skal dele øvingslokaler med AF1.

Musikken er produsert av Sigve Bull, som også var produsent for AF1- Sesong 1. Dette albumet inneheld 16 songar frå serien.

Les meir om AF1 her :)

Vi har cd-en. Sjekk om den er inn her :)

Mari får ikke sove

2011-02-25T03:06:00.000-08:00

Bokmelding av Mari Steinveg i 3. klasse

I boka får vi høyre om ei som heiter Mari, som har ein storebror som heiter Paul Axel og ei veslesyster som heiter Wendla. Boka handlar om at Mari ikkje får sove om kvelden. Ho prøvde å sove, men ho synst at ho høyrde så mange rare lydar og så drøymde ho om brønnheksa. Ho vekte mamma nesten heile tida, da vart mamma veldig trøytt og sur. Ei natt Mari vakna hugsa ho at ikkje skulle vekke mamma og da sovna ho i dørkarmen inn mot rommet til mamma og Viktor.

Dette er ei artig bok, den har fine illustrasjonar og passar fint for alle barn.

Tittel: Mari får ikke sove.
Forfattar: Tone Appelgren
Illustratør: Salla Savolainen
Gyldendal
33 s.
År: 2003

Spillet

2011-02-21T03:11:00.000-08:00

av Arne Berggren

Ei spennande og humoristisk bok, med artige illustrajonar om guten Mons. Han elskar å spele Game Boy og Pc-spel. Det er lett å kjenne seg att, når pappa "tvingar" Mons til å gå skogsturar, vere med på fotballtrening, og Mons seier at han berre må lagre først. (Det er som kjend ikkje så lett å rive seg laus frå dataspel.) Som f. eks denne dagen her, da pappa stiller i fritidsklede og vil at Mons skal vere med ut for å få frisk luft. Litt for frisk etter Mons sin smak. Mons er som vanleg opptatt med å spele Game Boy, pappa masar, men mamma meiner at Mons må få litt tid.

"Ja vel, jeg teller til ti," sier pappa.

Og pappa teller.

En to, tre...

Mons glemmer at han står der. Dessuten dukket det opp noen dinosaurer i spillet. Og en løve.

Fire, fem, seks...

Mons hører ikke. Han er angrepet av indianere.

Syv, åtte, ni...

Pappa gjør seg klar. Mons slåss mot skurker og villmenn.

"Ti!" skriker pappa og forsøker å dra fra han spillet. "Jeg skal bare lagre!" roper Mons fortvilet.

Dramatisk blir det når Mons ein annan dag gløymer eit voldeleg spel i pappas bærbare PC, som attpåtil skal brukast i eit viktig møte for mange viktige folk. Pappa er ein travel og distrè forretningsmann som ikkje merkar at Mons spring etter bilen for å få tak i PC-spelet. Han merkar heller ikkje at Mons etter kvart klarer å gøyme seg i bagsjerommet..

Anbefalast!

Tittel: Spillet
Forfattar: Arne Berggren
Illustrert av: Berit Sømmet
År: 2006
68 s.
Lettlesen
Aschehoug

Sydover av Bjørn Ousland

2011-01-31T05:07:00.000-08:00

2011 er Nansen-Amundsen-året

I 2011 er det to "pol" jubileum i Noreg. Det er 150 år sidan Fridtjof Nansen var født, og det er 100 år sidan Roald Amundsen, saman med sine fire menn nådde Sørpolen fyrst av alle. Området rundt Sørpolen heiter Antarktis.

Les historia om den farlege og spennande reisa til Sørpolen. Ei reise som var eit kappløp mellom nordmannen Roald Amundsen og engelskmannen Robert Falcon Scott. Amundsen hadde gjort grundig forarbeid, han besøkte eskimoane på Grønland i forkant for å finne ut korleis dei heldt seg varme i vinterkulda. Her skaffa han seg pent brukt (forhåpentlegvis) undertøy som var laga av selskinn. Han lærte òg kva slags mat som var best på lange ferder, og korleis køyre med hundespann.

Scott ville bruke ponniar og motoriserte sledar. Det viste seg fort at i det kalde klimaet fraus motorolja, og mange av ponniane fraus i hel. Scott og hans menn måtte dra sledane med si eiga kraft. Den gjennomsnittlege vintertemperaturen på Antarktis er 60 kuldegrader, sjølv ein fin sommardag er det 30 kuldegrader.

Dei brukte over eit år på å sanke mat som dei skulle ha til ferda inn mot Sørpolen. Dei fanga sel og pingvinar for å ha nok kjøtt.

Så la dei i veg. Nordmennene hadde ordna seg bra, med 3 depot på til saman 3 tonn forsyningar. Det fungerte fint å køyre med hundspann. Engelskmennene hadde berre eit depot med eit tonn forsyningar. Det var 5 nordmenn og 17 engelskmenn som gjekk, så det seier seg sjølv at nordmennene hadde godt med utstyr. Det vart ein lang og strabasiøs ferd gjennom ukjend og farleg terreng. I tåkeheimen spøkte "Fandens dansesal", eit breterreng kor djupe, bunnlause sprekkar, kunne sluke både menn og sledar. Sprekkane var skjult av eit tynt is- og snølag som gjorde kvart einaste skritt livsfarleg. I boka kan du lese om nokre som datt ned i ein slik sprekk, og om dei kom seg opp att.

Den 14. desember 1911 sto Roald Amundsen og hans menn på Sørpolen utan spor av engelskmennene. Målet var nådd. Amundsen kom heim til Noreg som Sørpolen sin erobrar, det var ein senasjon over heile verda. Amundsen hadde slått Scott. Medan Noreg feira sin nye polarhelt, kom meldinga om at Scott og hans menn hadde frose i hel på veg tilbake frå Sørpolen. Ein smertefull og tragisk død, delvis forårsaka av dårleg planleggjing. Scott skreiv dagbok heilt til det siste, den vart funne i teltet kor han fraus i hel. Scott sine dagbøker er utgjevne som bøker. Han blir òg rekna for å vere ein polarhelt.

Både tekst, illustrasjonar og teikneseriestriper blir brukt for å formidle den strabasiøse ferda.

Visste du at i området rundt Sørpolen har det vore målt 88 kuldegrader. Det er faktisk så kaldt på land på Sørpolen at det lever nesten ingen dyr der. Men i havet finn vi både pingvin, sel og kval.

God bok!

Forelska

2011-01-22T03:00:00.000-08:00

av Rebecca Dautremer

Vakker, morosam og prislønt bok om eit tema små (og store) nærmar seg med skrekkblanda fryd: Kva er FORELSKA for noko? Vesle Simone spør alle vennene i barnehagen sin, og alle veit dei litt forskjellig om dette spennande og rare, som finst i eventyra og i kroppen og får gutane til å erte - og gifte seg. Olav er ein som liker å plage Simone. Og når ho fortel det heime, trur mamma at Olav kanskje er litt forelska i Simone. Simone spør dei andre barna om kva forelska er for noko. Jonas meiner forelska har noko med å falle å gjere. Synne har høyrt at det er noko med flammar. Men Kristoffer trur det er noko inne i hjartet, at det er ein sjukdom.

Jonas meiner forelska
har noko med å falle å gjera...

.Ei

Rébecca Dautremer (1971) skriv om kjærleik frå eit barneperspektiv. Ho stiller spørsmål som barn stiller. Ho svarar som barn svarar. Det er barna som snakkar med kvarandre, som reflekterer over det dei har høyrt om kjærleik og forelsking.
.

Forelska er ei vakker bok med fantastiske illustrasjonar.

Her kan du laste ned ein smakebit frå boka.

Dødslekene av Suzanne Collins

2011-01-13T01:49:00.000-08:00

.
24 ungdommar på ein arena - berre ein kjem levande ut...

Den velståande og høgteknologiske hovudstaden Capitol er omgjeve av tolv distrikt der innbyggjarane svelt og lir naud. Styresettet i Capitol er nådelaust og ondt. Det kontrollerar utkantdisktrikta med jernhand ved å tvinge dei til å sende ein gut og ei jente mellom tolv og atten år til dei årlege leikane dei arrangerer. Arenaen er på mange kvadratkilometer og den består av mange farar, utfordringar og hinder. Deltakarane er i kameralinsa heile tida. Leikane går ut på at man skal drepe dei andre deltagarane – og overleve sjølv. Ein kamp på liv og død som er direktesendt på TV, og som er til stor underhaldning for dei som sit med makta.

Frå den fattigaste provinsen blir tolv år gamle Prim valt ut, men storesystera Katniss bestemmer seg for å ta Prim sin plass for å redde livet hennar. Dumt? Tja.. det er som å underteikne sin eigen dødsdom. Vi fylgjer Katniss og dei andre deltakarane gjennom hennar auga. Vi blir også kjent med guten Peeta som er frå same distrikt som Katniss. For at TV-sjåarane og sponsorane skal støtte dei, samarbeider dei og latar som om dei er forelska og har eit kjærleiksforhold. Heile nasjonen sit klistra til det blodtørstige, direktesendte programmet. Kjærleiken til Katniss og Peeta fengar alle som ser på og dei blir utruleg populære. Det blir etter kvart danna alliansar, og ungdommane må ta både vanskelege og grusomme val - å drepe eller bli å bli drept. Mot slutten av leikane blir reglane endra slik at to frå same distrikt kan vinne saman.

Dette er ei bok som er vanskeleg å leggje frå seg. Det er lett å la seg engasjere i personane og samfunnet dei lever i. Dødslekene er tankevekkjande, samfunnskritisk, original – og berre heilt FABELAKTIG. Eg er i hvert fall hekta og er i full gang med bok 2.

Dødslekene er fyrste bok i trilogien om Katniss og Peeta. Les også dei to neste bøkene i serien, Opp i flammer og Fugl Føniks.

Vi har dei på biblioteket - kom og lån!

Nissene og den mystiske julegjesten

2010-12-13T03:18:00.000-08:00

av Frid Ingulstad

Ei spennande historie frå Dølaglupet

Det er juleftan. Store snøfiller dansar i lufta. Inne i stua på nissegarden Dølaglupet har smånissane det travelt. Som alle andre smånissar har dei hjelpt Julenissen med å lage julegåver til alle mennskebarna. No har dei endeleg tid til å lage si eiga jul.

Plutseleg går døra opp med eit brak. Det er Petter Påfinner som har vore i skogen for å hente juleved. På kjelken har han ein diger, urørleg bylt...

Boka har mange fine illustrasjonar. Her ser mellom anna Guri-Malla, Nissefar, Syver Syvsover, Bestefar Snork, Neserynken, Feiekosten, Gamlemor og Kvitpotet.

Jul

2010-12-02T01:50:00.000-08:00

Velkomen til ei triveleg førjulstid i biblioteket

Ronja Røverdatter og Ole Brumm er populære filmar.
Vi har mange julefilmar på biblioteket.

No er det desember og vi har sett fram julebøkene og julefilmane. Her er noko for ein kvar smak.

Pulverheksa og Julenissen

Det nærmar seg jul i Pulverskogen. Hokus, Pokus og Pulvervheksa bakar julekaker. "Er det lenge til julenissen kjem?", spør Pokus. "Å ja, det er ei stund til", seier Pulverheksa. "Han kjem nok ikkje før juleftan".

Men så bankar det på døra, og Pokus er sikker på at det er Julenissen. Men det er det ikkje. Det er Drømmeprinsen som kjem på besøk. Han spør om Pulverheksa vil passe hesten hans, og det vil ho sjølvsagt. Men så bankar det på døra ein gong til, og denne gongen er det Julenissen. Han treng også hjelp - til noko heilt spesielt...

Ei spennande bok om Pulverheksa og vennane hennar i Pulverskogen og på Frossenfjell. Boka kan du kose deg med mens du ventar på juleftan, og i heile jula.

Nisser og engler

Her kan du lære å lage dine eigne nissar og englar. I boka finn du både raudnissar, blånissar og englar. Boka har mange flotte bilete.

Vi har mange andre fine hobbybøker òg.

Kom og lån :)

Odd er et egg

2010-11-16T08:52:00.000-08:00

.
av Lisa Aisato

Har du nokon gong lurt på korleis det hadde vore om hovudet ditt hadde vore eit egg? Ikkje? Men no gjer du det kanskje...

Tenk deg no at hovudet ditt er eit egg. Som kan knuse når som helst. Korleis trur du gymtimane med ballspel hadde vore da? Korleis trur du ein tur i kongleskogen hadde vore? Eller ein sykkeltur i den farlege trafikken? Ikkje noko særleg, nei. Alt dette veit Odd, for hovudet hans er nemleg eit egg. Kvar morgon pakkar han det inn med handkle og tevarmar så det ikkje skal knuse. Gymtimane held han seg unna, og i skogen går han med kongleparaply. Men så møter Odd Gunn. Ho er ikkje redd for noko, nesten. Men kvifor går ho omkring i den rare bie-drakta? Og kvifor forsvinn ho så plutseleg? Og viktigast av alt: vil ho ta i mot den fine honningkrukka Odd har kjøpt til ho?

Gunn er tøff og ikkje redd for noko
(...nesten)

Odd tek ingen sjanser, kvar morgon pakkar
han inn hovudet sitt med håndkle og tevarmar.
Best å vere på den sikre sida!

Denne boka handlar om livredde Odd som forvandlar seg totalt når han blir forelska. Det er ei bok som byrjar trist og endar godt. Boka har fantastiske illustrasjonar.

Julegavetoget

2010-11-11T03:13:00.000-08:00

Klikk på bilete for større tekst

Ei framsyning

med Marianne Kostøl

Bli med på ei spennande togreise!

Fritt etter den populære forteljinga om

”The Little Engine That Could”, som vart skrive for 100 år sidan.

Klovnen Knut

2010-10-30T00:23:00.000-07:00

Klovnen Knut kjem til Skjåk folkebibliotek med framsyninga

"I regnbuens farger"

Laurdag 6. november kl 13

Gratis inngang

Passar frå 4- 10 år

Billettar kan hentast på biblioteket på førehand

Velkomen!

Bamsedagen 2010

2010-10-19T07:49:00.000-07:00

Vi feirar den internasjonale bamsedagen på biblioteket

onsdag 27/10 kl 18 – 19

♥ 3—5 års gruppa og karusellgruppa i Kulturskulen deltek med song

♥ Alle barna som kjem til biblioteket i løpet av dagen, er med i trekninga av årets bamse som heiter Sigfrid

♥ Biblioteket ynskjer seg nye bamseteikningar

♥ Servering og diplom til alle

♥ Ta med bamsen din og kom!

Røvet av vikinger

2010-10-12T00:18:00.000-07:00

av Torill Thorstad Hauger

Bli med til Irland på 900-talet og bli kjend med Patrick og Sunniva som bur på det grøne, frodige og fredelege øya. Dei bur saman med bestemor Gælion, mor, far, tre småsysken, på ein liten gard, i ein koseleg landsby. Men ein dag er det slutt på idyllen. Farlege vikingar frå nord kjem til øya. Vikingane herjar vilt. Dei plyndrar klosteret, drep munkar og tek Patrick og Sunniva til trellar (slavar). Dei blir slepne ned til vikingeskipet og frakta til det kalde landet Noreg i nord. Her må dei leve som trellar på garden til Håkon Jarl. Livet blir ikkje enkelt for Patrick og Sunniva. Dei skal bu i eit hus saman med andre trellar, dette er derimot folk som er greie og snille mot dei. Patrick blir etter kvart kjend med sonen til Håkon Jarl. Han heiter Sigurd Drakedreper. Dei to må vere vener i all hemmelegheit. Ein jarleson kan ikkje være ven med ein trell. Men Sigurd er ikkje som dei andre i jarleslekta. Det er skrive ei eiga bok om Sigurd Drakedreper. Handlinga i denne boka er frå samme miljøet, men sett frå Sigurd sin synsvinkel. Eg anbefaler denne boka på det varmaste. Den passar godt for alle gutar, jenter og vaksne.

God bok!

- Sjekk om boka er inne her :)

- Sjekk om lydboka er inne her :)

Lesekonkurranse i Nasjonalparkriket

2010-09-30T00:43:00.000-07:00

SOMMAR+BOK

Det er Lars Torvald Brenden frå Lesja som er hovudvinnar i SOMMAR+BOK konkurransa i år.

Her ser du nokre av lesarane frå Skjåk

Dei lokale vinnarane i Skjåk er:

Torunn de Presno
Kari Olstad
Astrid de Presno

Biblioteka i Norddalen inviterte alle elevar i 1. til 10. klasse til lesekonkurranse i skuleferien. Oppgåva var enkel - dei skulle lese minst 5 bøker, skrive på eit leseskjema kva bøkene heiter og levere skjemaet til det lokale biblioteket.

Deltakinga auka i år. 147 barn og ungdom i Nasjonalparkriket var med og las til saman 735 bøker. Alle var med i trekninga om ein hovudpremie, ein MP3 spelar sponsa av Expert Skjåk Elektro og Norddalsbiblioteka. I tillegg har kvar kommune trekt ut vinnarar av bokpremiar.

I Skjåk hadde vi "høgtideleg" overrekking av premiar til dei heldige vinnarane. Vi hadde servering og trøstepreminar til alle som var med.

Neste år kan du og bli med :)

"Den fantastiske Mikkel rev" på DVD

2010-09-20T00:41:00.000-07:00

Artig røvarhistorie eller revehistorie

"Den fantastiske Mikkel Rev" er ei fantastisk Roald Dahl-historie om dei tre bøndene Bred, Bisk og Bønne. Dei er grundig lei av at Mikkel Rev forsyner seg grovt av hønene, endene og kalkunane deira. Dei bestemmer for å kverke Mikkel Rev ein gong for alle, noko dei nesten klarer...

Sjekk om filmen er inne her :)

Sjå ein smakebit:

Vi minnar om SOMMAR+BOK

2010-09-02T01:41:00.000-07:00

Vi minnar om innlevering av SOMMAR+BOK skjema. Fristen var 1. september.

Er du for seint ute?

Ta det med ro! Du kan enno levere ut denne veka. Hovudpremien er ein Mp3-spelar.

Akimbo og elefantene

2010-08-19T08:48:00.000-07:00

av Alexander McCall Smith

Spennande historie frå Afika

Akimbo er ein gut som bur i Afrika, like ved eit stort viltreservat. Her finst det mellom anna sebraer, antiloper, elefantar, leopardar og bavianar. Akimbo sin far er oppsynsmann i reservatet og rett som det er får Akimbo bli med faren og hans menn ut i reservatet.

Ein dag finn dei ein død elefant. Det viser seg at det er krypskyttarar som har vore ute etter dei verdifulle støyttennene. Akimbo, som er så glad i dei store, majestetiske elefantane kan ikkje forstå at nokon kan skyte dei berre for å tene pengar på tennene deira. Han bestemmer seg for å avsløre krypskyttarane slik at dei blir straffa. Akimbo reiser på besøk til vennen Mato som bur i ein landsby i nærleiken. Med hans hjelp finn Akimbo fram til krypskyttarane…

”Han begynte å løpe . Han var så trøtt i beina at det gjorde vondt, men han klarte å springe. Han skrapte seg opp på tornebusker og kvister, men det brydde han seg ikke om. Nå ville han bare komme seg trygt til viltvokterleiren. Med ett stoppet Akimbo. Hjertet hamret i brystet og det prikket i huden. Hadde han hørt feil, eller var det et stykke unna, men det var uten tvil et løvebrøl. Akimbo så seg livredd omkring. Men han så bare de samme svarte formene og skyggene i den afrikanske natten. Løvene kunne være hvor som helst. For alt han visste lå de og stirret på ham. De kunne ligge på sprang, klar til angrep.”

Les den spennande forteljinga som går føre seg i Afrika og som gjev eit godt bilete av Afrika sitt trua dyreliv. Boka passar godt som høgtlesingsbok frå ca 5-6 år, og som lettlestbok frå 3. klasse. Akimbo og elefantane er første boka i ein serie. Les også Akimbo og krokodillemannen og Akimbo og løvene.

Sjekk om boka er inne her :)

Don Fridtjof

2010-07-15T09:08:00.000-07:00

.
av Anna Bache-Wiig
Illustrert av Lisa Aisaato

Biletbok om katta som var gatas skrekk

Naboens katt var for lengst gått i skjul
og bikkja til postmannen vekk.
Når Fridtjof freste da lettet hver fugl
og rømte til Syden i skrekk.
Han kvesset klørne på matfars tapet,
i krokene gikk han på do.
Og etterpå lå han der, lodden og fet,
i snorkende, ruvende bred majestet
- med halen på TV2.

Fridtjof er gatas skrekk. Til og med hundane er redde for han. Men den snille eigaren er utruleg glad i katta si, og blir veldig lei seg da Fritdjof plutseleg ein dag ikkje kjem heim. Den slemme katta sit nemleg "fast" høgt oppe i eit tre, etter at han har jaga ei sprek dansemus (som lura han opp i treet). Dansemusa kjem seg ned att, Fridtjof gjer det ikkje. Etter fleire dagar, dett Fridtjof ned med eit brak. Hendinga har gjort så stort inntrykk at han bestemmer seg for å starte eit nytt og betre liv som snill katt.

Teksta er på rim og boka har fantastiske illustrasjonar. Boka passar godt frå 5 - 8 år og er ei fin høgtlesingsbok.

Slik ser den snille eigaren ut.

Yohan barnevandrer

2010-06-29T01:01:00.000-07:00

.
På biblioteket har vi mange lydbøker du kan låne heilt gratis.

Dette er ei sterk bok om den gløymde og mørke historia frå Agder. Nemleg fattigdommen som tvinga fram barnevandring. På 1800-talet vandra svoltne og tørste ungar gjennom Sørlandet og Agderfylkene på jakt etter jobb som gjetarar, kjøkenjenter og stallgutar.

Denne vinteren har tæra på matforrådet, og far må leggje i veg for å søkje lykka ein annan stad. Omstende og sjalu sysken sel den godhjerta ungguten Yohan til ein agent som skaffar barn jobb på storgardane, utan garanti for at dei blir teke godt vare på. Mot alle odds lukkast Yohan i å overleve, sjølv om utgangspunktet er fattigdom og mange utfordringar. Han blir gjetar og passar buskapen mot ulv, bjørn og farlege folk.

Lydboka er også filmatisert og har mange kjendisar i større eller mindre gjesteroller: Alexander Rybak, Aylar, Morten Harket, Carola og Alejandro Fuentes for å nevne nokon. Men det er barneskodespelarane som verkeleg imponerar. Robin Pedersen Daniel spelar Yohan. DVD-en har releasedato 4. august. I mellomtida kan du kose deg med lydboka.

Filmen har aldersgrense 7 år. Sjå eit klipp her:

Sjekk om lydboka er inne her :)

Nye bokmeldingar frå 4. klasse i Marlo

2010-06-14T02:31:00.000-07:00

.
Julianna Banken si bokmelding
.

Tittel: Evighetens kyss (Twilight sagaen)

Forfattar: Stephenie Meyer

Da Isabella Swan flytter til dystre Forks og møter den mystiske og besnærende Edward Cullen, tar livet hennar ei spennande og frykteleg vending. Den fyrste dagen Isabella var på Highe School, den nye skulen, møtte ho på ein gut som heitte Mike. "Hei, eg heiter Mike, er det du som er Isabella Swan?", spurde han. "Ja, det er eg, men berre kall meg Bella om du vil". Dei gjekk i same klasse. Han sa litt om skulen og om klasseromma. Ho møtte andre vener og, ho møtte ei jente som heiter Jessica, og ein gut som heiter Eric. Bella såg ein gut som var litt annleis enn dei andre elevane. Han var meir bleik, han var med nokon andre vener som var bleike dei og. Dei åt ingenting, berre sat der i kafeteriaen og såg på meg på ein rar måte.

Denne boka passar for dei som likar å lese, det er små bokstavar og mykje skrift på sidene.

Nye bokmeldingar frå 4. klasse i Marlo

2010-06-14T02:20:00.000-07:00

.
Ragna Steinveg si bokmelding
.

Tittel: Rideleir med Sigge

Forfattar: Lin Hallberg og Margareta Nordqvist.

Boka handlar om fire jenter som skal vere med på rideleir. Jentene har kvar sin yndlingshest, det er Elina og Sigge, Mari og Sam, Agnes og Japp og Hanna og Molly. Når den fyrste dagen kom, blei gutane til Ingela (ridelæararen) med. Da måtte ei av jentene bytte hest. Det blei veldig trist, men så begynte hun å like den hesten like godt. I denne boka kommer det også ein ny hest som heter Sappo. Han er litt av ein ramp, men til slutt greier dei å få skikk på han.

Nye bokmeldingar frå 4. klasse i Marlo

2010-06-14T02:11:00.000-07:00

.
Sara Yttre si bokmelding

Tittel: Flekken

Forfattar: Arne Svingen

Denne boka handlar om Hubert som ber på ein hund, og så pissar hunden på Hubert. Og da han såg ned i skjorta, var det ein flekk med piss, og da vart han sur. Da sprang han til skulen for å ikkje kome for seint. Der er det ein som heiter Nilsen som er streng. Så ser han ein skugge på taket og da vart han redd.

Denne boka tykkjer eg passar for elevar frå 2. klasse og oppover.

Nye bokmeldingar frå 4. klasse i Marlo

2010-06-14T02:03:00.000-07:00

Brita Fjerdingren Stensgård si bokmelding

Tittel: Det røde huset i skogen

Forfattar: Arne Garvang

Boka handlar om ei jente som ikkje vil flytte, for mammas draum har alltid vore og flytte. Det var ikkje draumen til jenta og faren hennar. Da løp eg inn på rommet mitt og opna vidauget og brøla frå tredje etasje utover Josefines gate, Pilestredet og nye Bislett stadion: "EG VIL IKKJE FLYTTE!". Pappa braut opp døra med ein skrutrekkar. Da dei skulle reise, såg jenta eit fjes i vindauget. Når ho skulle sjå der att, så var ikkje fjeset der..

Nye bokmeldingar frå 4. klasse i Marlo

2010-06-14T01:22:00.000-07:00

.
Marius Bøhle si bokmelding
.

Tittel: Bernt begynner på skolen

Forfattar: Kjell Johnsen

Bernt likar ikkje skulen, men han må starte i 1. klasse likevel. Bernt skreik fordi han ikkje ville på skulen. Pappa fylgjer han på skulevegen. I skulegarden treffer han mange store ungar som han nesten oppfattar som bøller. Fordi dei er så store. Han tenkjer at dei må vera minst 8 år gamle. Bernt kvier seg enda meir, men inne på skulen tek han til å prate med Rolf som skal gå i same klasse som Bernt. Marianne, læraren deira, hadde også kvidd seg til fyrste skuledag, fordi dei var den fyrste klassa hennar. Da det endeleg vart friminutt, sprang Bernt og Rolf ut for å leike astronautar. Pappa hadde sagt at på skulen vart det mykje å lære, både å skrive og lese, men Bernt ville ha sommarferie.

SOMMAR+BOK 2010

2010-06-10T03:32:00.000-07:00

LESEKONKURRANSE

Biblioteka i Norddalen inviterer alle 6 – 15 åringar til lesekonkurranse i skuleferien! Oppgåva er å lese minst 5 bøker, skrive opp i eit leseskjema kva bøkene heiter og levere skjemaet tilbake til biblioteket før 1. september.

Alle som deltek er med i trekninga av fine premiar!

Hovudpremien er ein Mp3 spelar.

Skjema? Det finn du på biblioteket.

Bli med da vel!

UPrisen 2010 - ungdommen sin favoritt er:

2010-06-03T06:17:00.000-07:00

Lars Mæhle med Landet under isen

Storslagen fantasy-roman med gode krimelement. Fire sakna ungdommar. Tre stammar. Eit bortgøymt land under isen. Sju protokollar. Ein utvald. Ein forrædar. Den siste striden er her. No. Midt blant oss.

Juryen på 180 niendeklassingar frå sju skular, frå Nordland i nord til Aust Agder i sør, har talt: Den beste ungdomsboka i 2010 er Lars Mæhle sin fantasyroman Landet under isen.

Les meir om saken i GD.

Vi har boka. Sjekk om den er inne.

Knoterud FK og Lars Mæhle

2010-06-02T03:25:00.000-07:00

Lokaloppgjeret

Den utruleg populære lettles-serien om Knoterud FK held fram. Dette er den femte boka i serien, og du kan lese dei uavhengig av kvarandre. Niåringane i Knoterud Fotballklubb let seg ikkje knekke av dei dårlege resultata sine, og gyv stadig laus på nye utfordringar. Dette er eit klassisk lokaloppgjer mellom Knoterud og snobbane frå Kaksevika, som også har eit cruiseskip av ein klubb-buss og ligaens beste spiss. Men nokon har stole lykkehanskane til Sahir, Knoterud sin keeper. Mistanken fell sjølvsagt på snobbane, og betre blir det ikkje når dommaren er halvdøv, halvblind og i tillegg har hentesveis...

I bøkene om Knoterud FK møter du eit herleg persongalleri både på bana og på sidelinja, der trenaren Larsa prøver å halde kampmoralen oppe, og grandtante Gudny heiar litt for høgt. Lars Mæhle skriv med snert og humor, og det har illustratør Steinar Moldestad teke godt vare på.

Berre sjå på denne herlege gjengen her:

Frå venstre:
Larsa, Stian, Thomas, Renate, Johnny K og grandtante Gudny.
Nedst frå venstre:
Kula, Markus, Sahir, Jan Tore og Mohammed

Vi har alle bøkene i serien. Her kan du sjekke om dei er inne:

1. Knoterud FK erobrer verda
2. Knoterud FK: venskapskampen
3. Knoterud FK og mørkeloftet
4. Knoterud FK: ball med tal
5. Knoterud FK: lokaloppgjeret

Bøkene er på nynorsk og du kan lese meir om Las Mæhle her.

God bok!

Tenåringsroman om det å døy

2010-05-21T04:12:00.000-07:00

..
"Før jeg dør" av Jenny Downham

Tessa er 16 år, har kreft, og skal snart døy. Far til Tessa har sagt opp jobben for å passe på ho. Vi blir kjende med ei jente som ikkje er grei mot pappaen sin. Han gjer så godt han kan. Han lagar god og sunn mat, passar på at Tessa får den beste pleia av legar og sjukepleiarar og han held greie på alle medisinane mot Tessa sin hissige kreft – leukemi. Kreften er brutal og nådelaus.

Vi blir òg kjende med Tessa sin veslebror Cal, som er redd og som saknar søstera slik ho var før ho vart sjuk. Tessa har etter at ho fekk vete at ho skal døy, vorte utagerande, ho hatar å vere sjuk, og no har ho laga ei liste over alt ho skal gjere før ho døyr. Lista inneheld mellom anna å oppleve ekte kjærleik og eit ynskje om at mamma og pappa skal bli saman att. Lista inneheld og ein del ting som ikkje er fullt så trivelege, som det å prøve dop, prøve seg som butikktjuv, køyre pappa sin bil utan lov og det å ha sex. Tessa er ikkje lett å like i starten, men etter kvart tek ho ansvar, og ho visar dei rundt seg at ho bryr seg – trass alt. Det er aldri tvil om at Tessa kommer til å døy, og Tessa og venninna Zoey er ikkje akkurat gullungar. Men gjennom desse to jentene får vi sjå kva ekte kjærleik og vennskap er. Tessa er eit eksempel på at det går fint å ha humor heilt til det siste. Tessa blir kjend med naboguten Adam, som lagar snøenglar til ho, og som held rundt ho når alt er vondt. Før jeg dør handlar ikkje berre om døden, den handlar også om korleis det er å leve, og om korleis alle rundt Tessa skal klare seg vidare...etterpå.
God bok!

Jada, jada, jada av Bjørn Ingvaldsen

2010-05-04T10:08:00.000-07:00

.
På tide å tenkje på sommarferien?

Elias vil ikkje vere med mor og far på cruise i sommarferien. Så det blir ordna med at han skal vere hjå bestemor. Bestemor ser han vanlegvis berre på julaftan. Då kjem ho for å ete lutefisk og moltekrem. Hun synast ikkje det er noko vits å pynte seg, og gåver gjev ho berre for å få nokre sjølv. Bestemor jobbar som landpostbod og Elias blir henta på busshaldeplassen og frakta til gards på bestemor sin trehjulspostmoped. Huset er gammalt og lite, Elias skal sove i eit knøtt lite kammers. Når han spør etter badet, blir han sendt på utedoen bak uthuset. I uthuset har bestemor høner og ein gris. Når Elias vil sjå TV, viser bestemor han "Tv-stua". Dei må opp på loftet. Bestemor har ein kjempekikkert som er stilt inn på TV-en i stua til naboen. Men naboen observerer tjuvtittinga og trekkjer gardinene for. Bestemor sverjer hemn. Neste dag ligg dei bak naboens utedo og skremmer han slik, at han til slutt brenn ned heile utedoen i frykt for rotter.

Vi stakk hodene våre ut på hver vår side av utedoen. Og der, på veien opp mot huset, så vi Brobergsen springe. Eller rettere sagt, hoppe. Han hadde fortsatt buksa hengende rundt anklene, og hoppet av gårde mens han skreik og holdt seg over baken. Døra til utedoen lå knust på utsiden, det var tydelig at Brobergsen hadde rast rett gjennom døra uten å åpne den først. Det hadde han jo heller ikke kunnet, siden den var stengt fra utsiden.

Bestemor har forberedt seg til Elias skulle komme og ho har kjøpt inn 21 pizzaer, ein for kvar dag han skal vere der. Etter kvart blir dei lei av pizza, no får bestemor lyst på andesteik. Med skokrem i ansiktet og kamuflasjegreiner på hovudet, lokkar ho til seg ei and ved naboens andedam. Dei andre endene gjev lyd frå seg og naboen blir alarmert. Men bestemor bergar seg ved å liggje under vatn og puste gjennom eit hult siv til faren er over. Og slik fortset det. Bestemor har ganske mange underlege ting for seg. Høgdepunktet er bygdebasaren. Ein må ha med seg kake for å komme gratis inn. Men bestemor unner ingen å vinne ei av de gode kakene ho kan bake. Ho lagar difor ei juksekake av ein hjulslange pynta med barberskum og malte stikkelsbær. Kaka eksploderer når vinnaren vil skjere den opp og dele med dei andre på basaren. Dette er boka for deg som likar ellevill humor. Vi har både boka og lydboka.

Lagt inn av: Sigrun

Klassebesøk

2010-04-29T05:45:00.000-07:00

.
1. klasse i Marlo
.
I dag har vi hatt besøk av alle 1. klassingane ved Marlo skule, og det var jammen ein fin gjeng.

Vi las boka "Raske reven Rogers lille rotebok", som er ei forteljing om ein liten rev som bur hjå tanta si. Roger klarar ikkje å si "R", det blir berre "EJJJJ". Men det visar seg etter kvart at Roger er flink til mange andre ting, og da gjer det vel ingen ting om en ikkje klarar å si "R"?

Det var populært å få sitt eige lånekort og låne bøker. Velkomne attende:

.Andreas, Lina, Camilla, Sander, Andrea, Synne, Gard, Ingrid Maria, Hanne, Robin, Stine, Johanne, Anna, Thea Maria, Aron, Vidar, Tone og Mattis.

Klassebesøk

2010-04-19T04:51:00.001-07:00

3. og 4. klasse ved Marlo skule

I dag hadde vi triveleg besøk frå 3. og 4. klasse ved Marlo skule. Vi las ei forteljing av Ole Lund Kirkegaard - Bestemors kjøretur.

Etterpå lånte ungane bøker, før vi avslutta med saft og bokstavkjeks.

Takk for besøket:

... Anders, Oline, Hans, Lotte, Trine, Oda, Julie, Gudbrand, Elise, Kristin, Julianna, Marius, Brita,... Stina, Ragna og Sara.

Det var artig å sjå att dei fine teikningane frå utstillinga "Den kvite hjorten" som elevane sjølve har vore med og teikna.

Magnhild Bruheim på forfattarbesøk

2010-04-14T04:03:00.000-07:00

Spennande bok om tvangsekteskap

Tysdag var Magnhild Bruheim på biblioteket for å fortelje om den nye boka si ”På flukt” til elevar og lærarar ved Skjåk ungdomsskule. Magnhild Bruheim er som kjend, født og oppvaksen i Skjåk. ”På flukt” er den tredje boka hennar for ungdom. Bøkene er på nynorsk, og er lettlesne spenningsbøker - meget spennende! Vi har bøkene.

Kom og lån!

Les meir om Magnhild Bruheim her :)

På flukt

Bente og Henrik er i Oslo for å gjera opptak til ein film om jenter frå innvandrarfamiliar. Under eit av opptaka oppdagar dei ei jente med sjal på hovudet, halvt gøymd i skuggen i eit portrom. Det er akkurat som om ho har ei bøn til dei, det er akkurat som om ho tryglar dei om hjelp. Jenta heiter Yasmeen og det viser seg at familien hennar vil sende ho til Pakistan for at ho skal gifte seg med en mann ho ikkje vil ha. Familien vil bruke alle midler for at ho skal høyre etter. Ho har ingen som tør å hjelpe og ho treng ein plass kor ho kan vera i skjul. Bente og Henrik blir involverte i ei flukt på liv og død.

Kami og Henrik kom seg ut tidsnok til å sjå mannen frå leilegheita kaste seg inn i ein ventande bil. Det rusa i ein motor, hjula svinga skrensande ut i gata og køyrde. Ved ein parkert bil på andre sida av gata stod ei skrikande kvinne og fekta med armane.

”Kaja,” ropte Kami og sprang bort til henne i få steg. ”Kva skjedde? Kvar er Yasmeen?”

”Det kom ein mann med skytevåpen ut frå ein bil,” sa Kaja oppskaka. ”Han sikta på Yasmeen, eg ropte til henne at ho skulle koma, og plutseleg small det. Eg la meg ned i dekning bak bilen min, og så … eg trur han trefte.”

Bokbussen og Bjørnstjerne Bjørnson

2010-04-08T04:48:00.000-07:00

.
Litt rabalder

I år er det 100 år sidan diktaren og samfunnsdebattanten Bjørnstjerne Bjørnson døydde. Kven var han og kva kan han si oss i dag?

Bokbussen kjem med jamne mellomrom for å låne ut bøker på Nordberg skule. I dag vart det ikkje utlån av bøker. Det var nemleg slik at Bokbussen sin mann, Trygve Ramnefjell, ga elevar og lærarar ei framsyning om diktaren Bjørnstjerne Bjørnson. Trygve blanda skodespel, musikalitet og biografi, og han inviterte elevane til å dikte i ekte Bjørsonstil. Trygve er ein kløppar på fløyta si, han syng fint og han fortel med stor innleving. Vi fekk høyre om ”En glad gutt” og ”Synnøve Solbakken”. Spesielt den siste vart godt likt, med dramatisering av mellom anna snøballkasting og ein slosskamp men også forelsking. Då alle måtte reise seg for å syngje nasjonalsongen, ja då ljoma det i gymsalen på Nordberg skule. Det var ei fin framsyning av ein flink kar.

På Bokbussen si heimeside ligg det ein Bjørnsonquiz for dei som har vore på framsyninga.

Den ligg her :)
.

Marianne Kostøl og "Den store sangskatten"

2010-03-18T03:47:00.000-07:00

................................ ...
.....

...................

Hokus pokus pang - tryll fram ein sang!

Marianne Kostøl fekk god hjelp av dukkemannen Maestro då ho trylla fram song etter song frå skattekista si. Dei brukte trylleorda: "Hokus pokus pang - tryll fram ein sang!"

Elles hadde ho med seg dukka Kari, som etterkvart viste seg å vere svært så flink til å syngje.

Vel 60 personar var på biblioteket for å sjå og høyre på framsyninga " Den store sangskatten". Marianne er ei meget musikalsk og dyktig dame. Ho både syng og spelar gitar og fløyte. Songhefte vart delt ut, og barn og vaksne stemde i.

"Eg tykkjer dykk har laga ein fin konsert, og eg likte aller best godnattasongane", sa ei smørblid jente vi prata med til slutt.

Huskereisa av Anne Osvaldsdatter Bjørkli

2010-03-13T11:00:00.000-08:00

.
Tema mobbing

I Huskereisa møtar vi Julia som alltid er utanfor den tøffe jentegjengen. Ho får sjeldan vere med. Julia sit aleine på huska si og tenkjer på kvifor dei andre jentene ikkje vil vere i lag med ho. Boka tek opp vikktige tema som mobbing og usynleggjering. Vi får høyre om den eine mobbe-episoda etter den andre. Anne Osvaldsdatter Bjørkli har skrive ei skjør tekst kor problematikken blir teke opp på ein enkel, men verksam måte. Boka sluttar med at jenta har sluppe taket. Bilete av ei tom huske med ein sommarfugl på seier det meste om korleis det sannsynlegvis gjekk med Julia. Sjølv om det er ein trist slutt, er det ei bok til ettertanke, historia får oss til å tenkje på kor viktig det er å bry seg og ta vare på kvarandre. Huskereisa er rikt illustrert av Sissel Horndal med både doble og enkle oppslag. Fin bok!

Klassebesøk

2010-03-12T01:00:00.000-08:00

.
3. klasse frå Nordberg skule
.

................

Vi hadde triveleg besøk her om dagen. 3. klasse frå Nordberg skule gjekk den lange vegen frå skulen til biblioteket i Bismo.

Det smakte godt med bollar og saft medan vi las frå boka "Tonje Glimmerdal".

Det var ein irivg gjeng som lånte mange bøker, og vi lot oss sjarmere da dei takka, bukka og klemte oss til slutt.

Vekomne attende:

Sondre, Edvin, Mattias, Tea Oline, Jonas, Martin, Marte, Sander, Aslak, Paula, Paul, Maja Celine, Magnus, Emilie, Sina Therese, Edvard, Matias, Simen, Knut, Live, Brage, Frøydis, Kristina, Mats og Silje Kristin

...
... ... ...

Sex død og ekteskap av Øistein Flink

2010-03-08T00:03:00.000-08:00

- er vinnaren av Ungdommens kritikerpris 2009/10

.

Juryen har vore 200 elevar frå vidaregåande skular frå heile landet.

Les meir her :)

Sex, død og ekteskap

I denne romanen gjer eg-forteljaren sitt yttarste for å ta sitt eige liv. Kvifor vil ein norsk forfattar på 32 år ta livet sitt? Vi fylgjer hovudpersonen frå sjølvmordsforsøket, gjennom anger, feigskap, horeri og ekteskap, til den siste scena der eg-forteljaren sit dødeleg såra.

Sjekk om boka er inne her :)

Øisteins blyant

2010-02-25T01:59:00.000-08:00

..
Lær å teikne

Har du høyrd om Øistein? Han har gjort ein formidabel innsats for teikneglede og han har begeistra mange. Han er ein kjend figur frå barnetv på NRK. Han tryllar på 1-2-3 fram ”lette” teikningar av nissar, kyr og rare folk. Øistein meiner vi blir meir fantasirik, kreativ og lykkeleg av å teikne. Han elskar også krusedullar, og seier at krusedullar er det vikitgaste i hans måte å tenke på. Det er jo slik at alle startar med å teikne krusedullar, heilt frå vi er små.
Det er morosamt å teikne, men enda meir morosamt med Øistein!

Vi har både bok og film med Øistein.

Lær å teikne slik.....
.....................................................

................................eller slik...............

Sjekk om boka er inne :)
Sjekk om filmen er inne :)

Bestevenner

2010-02-19T04:22:00.000-08:00

.
Sjå ein god film
.

Denne veka vart filmen "Bestevenner" vist på kino i Berlin. Den vart godt motteke. Over 1000 tyske barn var i salen. Etter filmen måtte jentene (dei norske skodespelarane i filmen) bli redda bort frå alle autografjegarane og inn i ein vareheis!

"Bestevenner" er ein fin dramafilm for barn. Den har humor, spenning, ei solid dose menneskeleg varme og eit godt bodskap. Først og fremst handlar filmen om venskap.

Klikk på biletet for å lese meir om filmen.

"Bestevenner" har til og med eigen blogg. Sjå her :)
.

Vi har filmen. Sjekk om den er inne :)

Puddingtryne rir igjen av Jon K. Bratten

2010-02-16T05:24:00.000-08:00

Trine i 3. klasse anbefaler:

Puddingtryne rir igjen
Av Jon K. Bratten

Boka handlar om Puddingtryne som er ei heks, Elise, Krølle, Akaia og Tyranna.

Handlinga føregår i hekseslottet, skogen, flyg på sopelime og i landsbyen.

Puddingtryne rir på sopelime. Ho er ei slem heks. Elise og Krølle hjelper Puddingtryne til å bli snill.

Boka er artig og spennande. Eg anbefaler boka til 3. og 4. klasse.

Helsing frå Trine
3. klassing ved Marlo skule

Sjekk om boka er inne :)

Pusegutter tåler nesten alt av Sissel Lie

2010-02-16T05:17:00.000-08:00

Oline i 3. klasse anbefaler:

Pusegutter tåler nesten alt
Av Sissel Lie

Boka handlar om pusegutt og den Lille gule. Den Lille gule er også ein katt. Dei bor i eit hus hos ein hyggeleg og snill familie.

Pusegutt liker ikkje den Lille gule noko særleg godt.
Pusegutt bor i det same huset som den Lille gule.
Det kom ein framand katt inn gjennom katteluka og åt opp maten til den Lille gule. Den Lille gule prøver å jage ut katten, men Pusegutt er den som får han ut.

Men dessverre ender denne historia litt trist.

Denne boka var fin, men litt trist
Den passar for 3. og 4. klasse.

Helsing frå Oline
3. klasse ved Marlo skule

Sjekk om boka er inne :)

Kaja og Stine og sjokoladetyvene av Line Baugstø

2010-02-16T05:12:00.000-08:00

.
Oda i 3. klasse anbefaler:

Kaja og Stine og Sjokoladetyvene
av Line Baugstø

Boka handlar om to jenter og to gutar Stine og Kaja og handlinga føregår i butikken og i skogen.
I butikken vart det stole mykje sjokolade og Stine og Kaja ville prøve å finne ut kven tjuvane var.

Dei to jentene trudde at dei var to gutar som stal sjokolade, men det var Andreas.

Ei artig og lettlesen bok som passar godt for 2.-3. klassingar.

Helsing frå Oda
3. klassing ved Marlo skule

Sjekk om boka er inne :)

Huset Goggenheim av Brit Bildøen

2010-02-16T05:01:00.000-08:00

.
Lotte i 3. klasse anbefaler:.

Huset Goggenheim
av Brit Bildøen

Boka handlar om tvillingane Maren og Magnus som har flytta inn i eit spøkelseshus.

Dei hadde flytta frå byen til landet.
Magnus sa til vennane at dei hadde ei strand ved huset.
Spøkelset for rundt om natta og slikka på dei. Dei såg ei gammal dame i vindauget då dei gjekk heim frå skulen.

Boka var skummel og artig.

Helsing frå Lotte
3. klassing ved Marlo skule

Sjekk om boka er inne :)

Suremaria av Berit Hellem Giil

2010-02-16T04:56:00.000-08:00

..

Kristin i 3. klasse anbefaler:

Suremaria
av Berit Hellem Giil

Boka handlar om ei som heiter Sara Marie som bur saman med mora si, og ein som heiter Minus. Handlinga foregår heime hos Minus.

Sara Maria skal overnatte hos Minus, og etter dei har lagt seg så ringer det i telefonen. Det er ein hemmeleg telefon. Dei ville vite meir så mens mora til Minus prata i telefonen gjekk dei fram, dei hørte ingen ting, så dei gjekk litt lengre fram. Og mamma trudde at dei sov.
Når Sara Maria kjem heim etter overnattingsbesøket, står det ein framand tannbørste på badet.
Eg anbefaler boka for 2.- 4. klasse

Helsing frå
Kristin
3. klasse ved Marlo skule

Sjekk om boka er inne : )

Josefine og Ville-Ulla av Johan Unenge

2010-02-16T04:44:00.000-08:00

Julie i 3. klasse anbefaler:

Josefine og Villa-Ulla
av Johan Unenge

Boka handlar om Josefine og Villa-Ulla.
Handlinga føregår på skolevegen, heime og ved sjukehuset.

Det er mykje som skjer. Josefine og Villa-Ulla har ei sykkel konkurranse og Villa-Ulla fikk ei spyfluge i munnen. Og Josefine stanser og spør om det går bra. Ja svarte Villa-Ulla men eg har svelget ei spyfluge .

Josefine og Villa-Ulla er vener og uvener, men dei er bestevener for det.

Super artig bok som passar for 3.klassingar

Helsing frå Julie
3. klasse ved Marlo skule

Sjekk om boka er inne :)

Krølle-Knut grev seg ned til Kina av Lars Mæhle

2010-02-16T04:39:00.000-08:00

.
Hans i 3. klasse anbefaler:

Krølle-Knut grev seg ned til Kina
av Lars Mæhle

Boka handlar om Krølle-Knut og ei jente som heiter Kristiane.
Krølle Knut driv i parken. Han driv å husker og rikker på den lause tanna si. Plutseleg blir han skremt og ser bak seg, det står ei jente der. Krølle-Knut ber Kristiane på eit kappløp ned til Kina.
Kristiane ber Krølle-Knut på vaffel. Han mistar tanna si der når Krølle-Knut åt vaflar jafsa han vaflane i seg med syltetøy.

BOKA VAR SUPAR DUPER ARTIG!

Helsing Hans
3. klasse ved Marlo skule

Sjekk om boka er inne :)

Gutten som hatet fotball av Arne Berggren

2010-02-16T04:28:00.000-08:00

Gudbrand i 3. klasse anbefaler:

Gutten som hatet fotball
av Arne Berggren

Boka handlar om Petter og klassen hans
og faren hans. Handlinga føregår på fotballbanen.

Han liker å tenne på bak garasjen, men han er ikkje interessert i å sløkke etter seg. Derfor kjem brannmannen og sløkkjer, brannmannen er òg fotballtrenar.

Petter ville prøve å bli interessert i fotball for alle i klassen spiller fotball. Han kjøpte fotballblader og var med på fotball trening.

Eg syns at boka var SUPER DUPER BRA!
Ei fin bok som eg kan anbefale for andre.

Helsing frå Gudbrand
3. klasse ved Marlo skule

Sjekk om boka er inne :)

Lottes rideklubb av Sven Martinson

2010-02-16T04:18:00.000-08:00

Elise i 3. klasse anbefaler:

Lottes rideklubb

av Sven Martinson

Boka handlar om Lotte, Rita, og Pia, og handlinga føregår i skogen og på sjukehuset. Lotte skal ut å ri med Rita og de for i skogen. Men Lotte dett av hesten. Når ho kom heim, løy ho til pappaen sin og sa at det kom ein elg og skremte hesten, for ho ville ikkje seie at ho datt av hesten av seg sjølv. Lotte hamna på sjukehuset og ho fikk hjernerystelse.
Ho fekk ganske vondt i hovudet. Men ho vart frisk att og ville ri meir likevel. For det var artig.

Eg synest boka var artig og spennande, men litt vanskeleg å lesa for ein 3. klassing, så den passar nok best for ungar frå 5. klasse.

Helsing frå Elise
3. klasse i Marlo

Sjekk om boka er inne :)

Trøffelhelt av Reidar Kjelsen

2010-02-16T04:06:00.000-08:00

Anders i 3. klasse anbefaler:

Trøffelhelt
av Reidar Kjelsen

Boka handlar om Svein som er ein gris.
Handlinga føregår i skogen.
Grisane er i skogen for å leite etter Trøffler. Hønene tek trøflane. Da gjekk Svein heim og sa i frå til dei andre grisane. Dei trur ikkje på han. Svein fann mange fjær og så rulla han seg i søle og fjær, slik at det dekte heile kroppen hans, slik at han så ut som ei høne. På hovudet hadde han bringebær, slik at det skulle sjå ut som ein hanekam. Svein, som no kalla seg Pøne, gjekk i skogen og fann ei høne som heitte Helga, og då vart Svein med Helga heim til der hønene budde. Svein klatra opp og Helga flaug opp og der møtte dei dei andre hønene, ei av hønene hadde knebeskyttarar, og Svein kalla den høna for Knehøna.

Boka var artig og litt rar.

Helsing frå
Anders
3. klasse i Marlo skule

Sjekk om boka er inne :)

Nye bøker om LasseMajas Detektivbyrå

2010-02-09T06:58:00.000-08:00

Sjekk om Galopp-mysteriet er inne :)

Sjekk om Kjærlighets-mysteriet er inne :)

Odyssevs' reiser på lydbok

2010-02-09T04:34:00.000-08:00

Dette er den spennande historia Odysseen som er gjendikta av Rosemary Sutcliff. Den opphavlege forfattaren Homer, var ein blind, gresk diktar som levde ca 700 år f. Kr.
Denne historia handlar om reise, krig, hat, kjærleik, ære og vanære. Vi får høyre om menneskelege heltar og greske gudar. Av alle heltane som kjempa ved Troja, var Odyssevs, kongen av Itaka, den klokaste og luraste. Det var han som var arkitekten bak den trojanske hest, og som etter ein 10 år lang strid gav grekarane sigeren. Bli med Odyssevs når han seglar heim etter at Trojakrigen er slutt. Heimturen blir ei farleg reise. Odyssevs og hans menn kjem til ukjente stader og dei må kjempe mot utanomjordiske farer. Dei møter mellom anna dei menneskeeetande kyklopane, dei sagnomsuste sirenene som lokkar med sin forførande song, og dei møter trollkvinna Kirke som forvandlar mange av Odyssevs menn til grisar. Odyssevs seglar mange år på havet før han endeleg kjem heim til si trufaste kone Penelope og sonen Telemakos. Dei er omringa av ein flokk friarar som ynskjer død over Odyssevs. Han må kvitte seg med desse for å vinne kona si og kongeriket attende.

Lydboka innheld 3 cd-ar og varar i ca 3 timar. Det er skodespelaren Nils Ole Oftebro som les denne spennande og dramatiske historia. Lydboka passar godt for både ungdom og vaksne.

Sigrun

Sjekk om lydboka er inne :)

Ungdom i action, krig, venskap og kjærleik

2010-01-29T00:13:00.000-08:00

- I morgen, da krigen kom
av John Marsden

Dette er historia om tenåringsjenta Ellie og nokre av venane hennar som er på overnattingstur ute i bushen. Da dei ser jagarfly i lufta, trur dei det er ei militærøving. Etter fem late dagar kjem dei heim til landsbyen Wirrawee i Australia. Men - alle foreldra er borte, gatene er tomme, dyra er døde, hus og bygningar er bomba og plyndra. Det brenn i landskapet rundt dei. Etter kvart skjønar ungdommane at alle innbyggjarane blir heldt fanga og innesperra på marknadsplassen - landet deira er okkupert. Ungdommane er redde, men finn ut at dei må organisere ein motstandshær, ein slags gerilja. Dei går frå å vere ein gjeng "vanlege" ungdommar til å bli personar som på ta avgjeranda og vanskelege val. Dei gjer ting dei aldri kunne drøymd om. Det blir ein kamp på liv og død, og ikkje alle overlever. Det blir vanskelege etiske val. Kva gjer du når du sjølv må drepe for å overleve? Kven er modigast i krig? Det er Ellie som er forteljarstemma, men vi får også høyre om "den umulige" Homer, som viser seg å vere den mest snarrådige og modige av dei alle. Og vi får høyre om vakre og populære Fi. Dette er ei bok som er spennande og vanskeleg å leggje frå seg. Den passar både for gutar og jenter, men også vaksne. Det er seks bøker i serien, vi har dei fem som er oversett til norsk.

Sjekk om bøkene er inne her:

1. I morgen, da krigen kom
2. Når natten er mørkest
3. Frosten, tredje dag
4. Mørket, min venn
5. Ute etter hevn

Sigrun

Kva er vel meir spennande enn ei kriminalsak?

2010-01-28T00:14:00.000-08:00

- LasseMajas Detektivbyrå - Fotballmysteriet
av Martin Widmark

Lasse og Maja har starta eit eige detektivbyrå for å løyse store og små mysterium og kriminalsaker. Handlinga går føre seg i og rundt den lille byen Valleby, der dei fleste veit om kvarandre. I boka Fotballmysteriet, får vi høyre om årets viktigaste kamp mot burtelagaet Solbacka. Denne gongen SKAL dei vinne, mykje står på spel og den store sølvpokalen er målet.
Laget har fått ny ein ny trenar som heiter Franco Bollo. Og med Muhammed Karat som spiss og politimeisteren i mål er det klart dei vil gå seirande av bana. Eller? Sølvpokalen skin i sola og tilskuarane jublar når heimelaget entrar bana. Alt er bra så langt, men.......midt under kampen blir politimeisteren borte, og så blir den gjeve pokalen stolen. Dette er ei sak for Lasse og Maja!

Det er fleire bøker i serien om LasseMajas Detektivbyrå. Du har kanskje sett dei på TV og? Fleire av bøkene er filmatiserte, nokre av dei er blitt vist på norsk fjernsyn, seinast no i jula. Bøkene er populære her i Skjåk.

Sjekk om boka er inne :)

Dei andre bøkene vi har i serien heiter:
1. Gullmysteriet
2. Bibliotekmysteriet

Sigrun

Ellevill og morosam "Bukkene Bruse" historie

2010-01-23T09:55:00.000-08:00

-Bukkene Bruse på badeland
av Bjørn F. Rørvik
. .
Historia startar som forventa, dei tre bukkane Bruse skal til seters for å gjere seg feite. Men - litt oppe i lia kjem dei til eit skilt kor det står "Badeland".

- Kan vi ikkje heller dra dit i år? spør den mellomste bukken Bruse. - Det er så kjedeleg oppe på setra. Berre gå der å bre-e-e-ke heile sommaren. - Please? seier den minste bukken Bruse. Då treng vi ikkje gå over brua heller. Og slik blir det, bukkane dreg til badeland i år. Og eg kan love deg at det blir dramatisk, men også utruleg morosamt. Og jammen trur du ikkje trollet dukkar opp. Boka har fantastiske illustrasjonar (bilete). Denne boka passer for alle og er ei fin høgtlesingsbok. Boka kom ut i 2009. Anbefalast!

Sjekk om boka er inne :)

Sigrun

Spennande fantasy

2010-01-23T00:40:00.000-08:00

Spegelslottet
av Jørn Jensen

Jørn Jensen er ute med ein ny serie som heiter "Spegelslottet" eller "Speilslottet". Vi har serien både på nynorsk og bokmål. Fyrste boka heiter "Flukta frå Zakka". Her møter vi guten Modo som må flykte frå den onde Zakka. Zakka vil ha Modo som slave på slottet sitt. Då Modo står på spranget for å flykte, får han beskjed frå far sin om å finne Poppa den vise. Han har nemleg laga eit magisk speil som kan hjelpe Modo i kampen mot Zakka. Modo må kjempe ein nådelaus kamp mot dei onde maktene i Zakkas rike. Og han må flykte frå karkane, som er sjelar som bur i trea og har kome for å hente Modo. Dette er lettlesne, spennande bøker med mange fine bilete.

Bøkene passar godt for gutar og jenter i 3., 4., 5. og 6. klasse. Barn som er eldre og vil ha lettlesne bøker vil også bli trollbundne av denne fantasy verda. Kvar bok er på ca 40 sider, det kjem tre nye bøker i serien i år.

Sjekk om bøkene er inne:
1. Flukta frå Zakka
2. Dverghola
3. Den skjulte byen

Ei fin side på internett med spørsmål og bilete frå bøkene. Sjå her : )

Sigrun

Sjarmerande om fotball og andre ting

2010-01-18T09:41:00.001-08:00

- Knoterud FK

av Lars Mæhle

Dette er bøkene for deg som likar fotball, men og for deg som ikkje likar fotball. Det har seg nemleg slik at i fyrste boka om Knoterud FK så har laget ein verdsrekord i målstatistikk på 0 - 186. Altså ikkje noko å skryte av. Dei har ein einaste fan, og det er Steingrim. Han er blind men er med på alle heimekampane til laget, "Heia Knoterud! Raska på nu, Knoterud!" ropar han høgt over heile bana, utan at det ser ut til å hjelpe noko. I den fyrste boka opplever laget tidenes tap mot Trøgstad, og laget har mista all kamplyst. Etter kampen får Johnny K, Renate og Sahir beskjed om å levere premien for adventskonkurransa til Steingrim. Han bur i eit kråkeslott, og det er noko mystisk med denne digre mannen, dei har høyrd at han skjuler noko på loftet. Er det ein skatt? Eller kanskje eit................lik?

Dette er spennande, lettlesne bøker som har humor og varme. Dei handlar også om venskap og om å tru på seg sjølv. (Dei tre siste bøkene er på nynorsk).

Sigrun

Sjekk om bøkene er inne her:

1. Knoterud FK og skatten på mørkeloftet

2. Knoterud FK erobrar verda

3. Knoterud FK : venskapskampen

4. Knoterud FK : ball med tal

Happy

2010-01-17T23:33:00.001-08:00

av Linn T. Sunne

Denne boka handlar om ei jente som har flytta til ein annan plass og byrja på ein ny skule.
Jenta kallar seg Mo, men heiter eigentleg noko anna. Mo lyg mykje, både til dei nye klassevennane sine og til læraren sin, men ho blir avslørt etter kvart. Dette blir til slutt svært vanskeleg for Mo, og særleg vanskeleg vart det for ho når klassa skulle på overnattingstur. Meir får du vite om du les boka :)

Boka er på nynorsk. Det er ei lettlesen bok som passar godt for ungar frå 4. klasse.

Helsing frå Ragna i 4. klasse

Sjekk om boka er inne :)

2010 - Nasjonalt leseår

2010-01-14T02:04:00.000-08:00

Leseåret 2010 er av kunnskapsdepartementet og kultur - og kyrkjedepartementet peika ut som Nasjonalt leseår. Leseåret 2010 skal vere starten på eit leseløft som skal vare til 2014.
Heile befolkninga vil vere målgruppe for Leseåret 2010. Det er naturleg at biblioteka står sentralt i eit nasjonalt leseår. Biblioteka er opne for alle, har kunnskapen, arenaen og - ikkje minst - kontakt med lesaren.

Vi på biblioteket i Skjåk ynskjer at alle elevar og lærarar i Skjåk kan vere med å gjere denne bloggen til ein ressurs i så måte. Send ei bokanbefaling på e-post til biblioteket, så legg vi den ut med bilete av boka og signaturen din.
.
E-post: skjaak.folkebibliotek@skjaak.kommune.no

Kaldt blod serien - for deg som likar grøss og gru

2010-01-12T13:41:00.000-08:00

av Jørn Jensen

Her ser du nokre av bokomslaga i serien.

Dette er ein serie med lettelesne grøssarbøker som passar godt for både gutar og jenter frå 5. klasse. Bøkene har vore populære i 5., 6. og 7. klasse her i Skjåk. I bøkene møtar vi Tobias og Simone.

I boka "Du er død, Tobias" går Tobias og Simone til postkontoret for å sende ei pakke. Dei har ikkje vore lenge på postkontoret då to maskerte menn med finlandshetter stormar inn i lokalet og ropar ut: "DETTE ER EIT RAN!". Alle blir så kommanderte til å leggje seg ned på golvet. Ranarane får trua til seg mykje pengar, men på vegen ut mistar den eine ranaren ein bunke på golvet. Tobias kikkar opp akkurat i det ranaren bøyer seg ned for å plukke den opp, Tobias ser rett i ansiktet på.........ein han kjenner. Dette forstår ranaren og han tek Tobias med seg som gissel. Kva vil skje med han nå?

Det er 12 bøker i serien.

Søk i katalogen vår på "kaldt blod" : )

Sigrun

"FORTELL OM DEN ATTRAKTIVE BYGDA - 2010"

2010-01-06T23:46:00.000-08:00

Prosjektet "Vil Skape" inviterer nok ein gong ungdom mellom 15 -25 år til å vera med i ein konkurranse om å fortelja om den attraktive bygda.

Bli med da vel : )

Klikk på bilete for å lese meir!

Her kan du lese om vinnarane frå 2009.

Blå blondie

2009-12-29T02:02:00.000-08:00

av Linn T. Sunne

Dette er ein spennande og godt skrive roman om dei to venninnene Katti og Pernille skal ha sommarfest og maks gøy. Når ein har foreldre som berre sender meldingar, pengar og lite anna, må ein kunne unne seg det. Men Kattis søster ligg på Radiumhospitalet, så kor gøy blir det eigentleg? Kven av dei vil få seg kjæreste denne kvelden? Og, er det vits i å så frø? Dette er ei forteljing om vis kjærleik, sorg, vennskap og kjensla av at alt endrar seg. Ei fin lettlesbok for ungdomstrinnet med nynorsk tekst. Boka kom ut i 2008.
Sjekk om boka er inne : )

Linn T. Sunne vann i 2007 Brageprisen i klassa for barne- og ungdomsbøker for boka Happy.

Sigrun

Mystiske gjester - Sommervik 1

2009-12-22T07:08:00.000-08:00

av Linn T. Sunne

I denne boka møter vi tvillingane Eline og Linnea og kameraten Oskar som bur i Sommervik. Det kjem mange gjestar til hotellet når far til Linnea og Eline har matkurs. På hotellet bur ei mystisk utanlandsk dame saman med dotter si. Ein dag ser Oskar at den lille jenta stel ein mobiltelefon. Oskar, Linnea og Eline bestemmer seg for å halde eit auge med jenta. Etter kvart dukkar det opp ein mystisk mann som er både sint og skummel, dei kallar han bartemannen. Det viser seg at den mystiske dama og dottera er livredde for denne mannen. Kven er denne mystiske dama og dottera, og kven er denne skumle mannen? Er ting slik dei ser ut til å vere? Dette er ei lettlesen spenningsbok frå 2. klasse. Boka kom ut i 2009. Håpar Sommervik 2 kjem ut snart. Linn T. Sunne har skrive fleire bøker for barn og unge.

Sjekk om boka er inne : )

Sigrun

Tonje Glimmerdal

2009-12-14T03:55:00.000-08:00

av Maria Parr - Brageprisvinnar 2009

I boka om Tonje får vi mellom anna halsbrekkande testløp på kjelke, tamme måker på sykkeltur, samanstøt med kaffekjelar og grotter fylt med felespel.

Ei herleg høgtlesingsbok som er både morosam, hjartevarm og spennande. Handlinga går føre seg i Glimmerdalen. Vi møtar Tonje, som snart er 10 år og er den einaste ungen som bur her. Bestevenen hennar Gunnvald er derfor "litt" eldre enn Tonje, han er 74 år og er en bisk sauebonde og felespelar. Men ein dag havnar Gunvald på sjukehus med broten lårhals. Tonje får nyss om at Gunnvald har ein stor løyndom han ikkje har delt med bestevenninna si. Tonje får mykje å rydde opp i.

Dette er ei bok alle vaksne bør unne seg å lese høgt om dei har nokon å lese høgt for. Høgtlesingsbok frå ca 6 år, lese sjølv frå ca 9-12 år. Kos deg!

Debutboka til Maria Parr, Vaffelhjarte, var ein suksess og er ute på sju språk.

Sigrun

Sjekk om boka er inne : )